«Взыскание погибших» и «Всех скорбящих Радость»: предварительные результаты сравнения акафистов

На тему прошлогодней публикацииustavschik‘а, в которой он высказывает предположение, что именно «первый» акафист пред иконой «Взыскание погибших» был напечатан в патриархийном Акафистнике и что автор его, судя по предоставленной Оксаной Алешиной рукописи, — прп. Серафим (Загоровский).

ustavschik писал:
«Сам по себе акафист «Взысканию», написанный св. Серафимом, как оказалось, у нас есть (у нас в каталоге он идет как «первый»). Но! Во-первых, мы не знали автора, а это очень важно. Я даже высказал сомнения в сохранности текста, а он, оказывается, массово растиражирован (в Сети в том числе). Во-2х, этот акафист при Патриархе Пимене (предположительно в конце 1980-х, точнее пока сказать не получится) был одобрен к общецерковному употреблению и напечатан Издательством Московской Патриархии. Редакция не совсем та, что в присланной Вами рукописи, но по тем временам это — дело совершенно обычное.

Так что в сухом остатке — творение святого одобрено к церковному употреблению, мы знаем его автора, а рукопись позволит увидеть этапы редактирования.»

В процессе подготовки нового издания Акафистника к печати, мне пришлось заниматься сравнением «редакций» упомянутого акафиста, и я обещал ustavschik‘у поделиться результатами. Вот, наконец, нашлась минутка, чтобы исполнить обещанное.

Итак, в моем распоряжении были:

1. Рукопись прп. Серафима: Акафист Пресвятей Владычице нашей Богородице «Взыскание погибших». Харьков, 1934.
2. Акафист Пресвятей Владычице нашей Богородице «Всех скорбящих Радости». Изд. 19-е. Петроград: Синодальная типография, 1915.
3. Акафист Пресвятей Владычице нашей Богородице «Взыскание погибших» (и) «Всех скорбящих Радости». Б.м., б.г. (имеется дарственная надпись владыке Питириму (Нечаеву) от Т.А.Волгиной).
4. Акафист Пресвятей Владычице нашей Богородице пред иконами Ея «Взыскание погибших» и «Всех скорбящих Радосте». Б.м., б.г.
5. Акафистник. В 2-х томах. Москва, 1992. Т. I. С. 58–66.

Итоги:

1. Существуют дореволюционные печатные издания как акафиста отдельно пред иконой «Всех скорбящих Радость», так и акафиста с составным названием (которое мы видим и в Акафистнике 1992 года). Обратите внимание, что № 2 представляет собой в 1915 году уже 19-е издание.

2. Текст рукописи прп. Серафима (№ 1) идентичен тексту акафиста в издании 1915 года (№ 2), только вторая часть заключительного хайретизма у прп. Серафима не «всех скорбящих Радосте» (как в № 2), а «всех погибающих спасающая» (как в акафисте «третьем», по классификации ustavschik‘а).

3. Первый кондак в издании № 3 и № 4 такой же, как и в издании № 2, но вторая часть заключительного хайретизма составная: «Радуйся, Благодатная Богородице Дево, Погибших Взыскание и всех скорбящих Радосте».

4. Издание № 4 содержит текст, в принципе идентичный изданию № 3 (включая заключительный хайретизм), но там есть куски, совершенно отличающиеся от № 3.

Например, в икосе 1-м после «рещи Богородице: радуйся» и до «Темже и мы» идёт совсем другой текст:
№ 4: «Ангел предстатель послан бысть с Небесе рещи Богородице: радуйся, Благословенная в женах, предреченная Мати Христа Сына Божия. Темже и мы, грехми обремененнии, надежду спасения в Тебе улучивше, умильно взываем Ти».

А в № 3 и в № 1 и 2: «Ангел предстатель послан бысть с Небесе рещи Богородице: радуйся, возвещая Божественным воплощением Христовым хотящую родитися от Нея Радость всему миру, в скорби погибающу. Темже и мы, грехми обремененнии, надежду спасения в Тебе улучивше, умильно взываем Ти».

В икосе 2-м:
№ 4: «Разум неуразуменен еси, Богородице, в защищении людей скорбящих и погибающих, разумети ищуще, к Тебе прибегаем, о Мати Дево».
№№ 3, 2 и 1: «Разум неуразуменный находящих на ны лютых скорбей разумети ища, к Тебе прибегаем, о Мати Дево».

Есть и другие разночтения, но я не буду здесь приводить полный перечень.

5. Семь молитв, которые мы находим в рукописи прп. Серафима (Загоровского), есть в № 4 (текст их и порядок следования идентичны).

6. В патриархийном Акафистнике в указанных примерах текст акафиста в целом соответствует №№ 3 и 4: а) заключительный хайретизм составной (не как у о. Серафима),
б) в икосе 1-м стоит фрагмент: «Благословенная в женах, предреченная Мати Христа Сына Божия.«

Но есть и правка, как мелкая, так и крупная, например:
а) начало вводной части икоса 2-го вообще содержит другую фразу: «Тайну Твоего, Богородице, заступления людей, в скорби погибающих, уразумети хотяще«, что не соответствует ни одному из 4-х источников и является, судя по всему, редакционной правкой составителей Акафистника.
б) «от мира к премирным» заменено на «к вышнему миру» (икос 2-й), в выражении «суетныя радости мира сего» удалено выражение «мира сего» (икос 2-й), выражение «хуления и клеветы на Сына Твоего терпевшая» заменено на «поношение Сына Твоего терпевшая» (икос 4-й), «сердцем Ему сраспинающуся» заменено на «горце рыдающу» (икос 5-й) и т. п.
в) в икосе 7-м в акафистнике (по сравнению с № 1, 2 и 3) удалены хайретизмы «Радуйся, болезней наших врачевание; радуйся, бед избавление» (в № 4 их также нет), а также по сравнению с № 3 убран хайретизм «радуйся, погибших взыскание» как повтор с заключительным, судя по всему. При этом такого хайретизма нет в № 1, 2 и 4.

Предварительные выводы:

1. Текст акафиста в рукописи прп. Серафима практически полностью соответствует (за исключением второй части последнего хайретизма) тексту акафиста «Всех скорбящих Радости» 1915 года церковной печати, выдержавшего 19 изданий. Так что прп. Серафим или не является автором этого акафиста, а просто переписал его себе от руки в тяжелое время, что-то подправив, или же является, но тогда нужно признать, что его творение вышло в печатном издании до революции.

2. Текст акафиста, напечатанного в Акафистнике, ближе всего стоит к изданию № 4 с «составным» названием.

Метки: авторство акафистов, акафистоведение, наши проекты, рукопись, текстология

Акафист Пресвятой Богородице пред чудотворным Ее образом «Взыскание погибших (Тираспольская)»

• Главная
• Статьи
• Акафист Пресвятой Богородице пред чудотворным Ее образом «Взыскание погибших (Тираспольская)»

20 июня 2013

Молитвами святых отец наших Господи Иисусе Христе Сыне Божий помилуй нас. Аминь.

Начальные молитвы по Отче наш.

Кондак 1

Взбранней Воеводе победительная, яко избавльшеся от вечныя смерти благодатию от Тебе рождшагося Христа Бога нашего и Твоим Матерним пред Ним ходатайством, благодарственная восписуем Ти, раби Твои: яко имущая державу непобедимую, от всяких нас бед и скорбных обстояний свободи, зовущих:

Радуйся, Благодатная Богородице Дево, погибших Взыскание и всех скорбящих Радосте.

Икос 1

Ангел-предстатель послан бысть с Небесе рещи Богородице: радуйся, Благословенная в женах, предреченная Мати Христа, Сына Божия. Темже и мы, грехми обремененнии, надежду спасения в Тебе улучивше, умильно взываем Ти:

Радуйся, Божие ко грешным благоволение; радуйся, кающихся пред Господем Богом крепкое заступление.

Радуйся, падшаго Адама воззвание; радуйся, слез Евиных избавление.

Радуйся, греховную отъемлющая скверну; радуйся, бане, омывающая совесть.

Радуйся, рождшая Избавителя, беззакония наша милостиво очищающаго; радуйся, всечудное всех к Богу примирение.

Радуйся, мосте, воистину преводяй нас от смерти к жизни; радуйся, мир от потопа греховнаго спасшая.

Радуйся, Лествице Небесная, еюже Господь к нам сниде; радуйся, вина всех обожения.

Радуйся, Благодатная Богородице Дево, погибших Взыскание и всех скорбящих Радосте.

Кондак 2

Видяще токи чудес, изливаемыя от святыя Твоея иконы, Благая Богородительнице, и разумеюще, яко Ты еси молящихся Благая Помощница, обидимых Заступница, Ненадеющихся Надежда, печальных Утешение, погибших Взыскание, алчущих Кормительница, нагих Одеяние, девственных целомудрие, странных Наставница, труждающихся Помощь, слепых Прозрение, глухих благослышание, больных исцеление, благодарственне вопием о Тебе Богу: Аллилуиа.

Икос 2

Тайну Твоего, Богородице, заступления людей, в скорби погибающих, уразумети хотяще, к Тебе прибегаем, о Мати и Дево. Ты же, яко Благая, научи ны разумете в защищении Благаго Сына Твоего милосердое промышление о спасении душ наших и очищение многих согрешений, да взываем Ти радостно:

Радуйся, обуреваемых тихое пристанище; радуйся, сумнящихся известное утверждение.

Радуйся, Едина Мати милосердия; радуйся, скорая Помощнице сущим в бедах и напастех.

Радуйся, скорбьми грехи наша очищающая; радуйся, печалию наши немощи душевныя врачующая.

Радуйся, суетныя радости презирати нас научающая; радуйся, к вышнему миру ум наш возводящая.

Радуйся, от любве земныя к Небесней Божией любви нас привлекающая; радуйся, в самых страданиях наших утешение и благодатную жизнь нам подающая.

Радуйся, обетование благ вечных; радуйся, Ходатаице вечныя радости.

Радуйся; Благодатная Богородице Дево, погибших Взыскание и всех скорбящих Радосте.

Кондак 3

Силою свыше укрепи мя, Благая Владычице, недугующа телом и душею, и посещения Твоего сподоби и промышления, мрак уныния и скорби, облежащий мя, отгоняющи, да, спасаемый Тобою, присно воспою Богу: Аллилуиа.

Икос 3

Имущи богатство милосердия неизреченное, всем скорбящим руку помощи простираеши, недуги врачуеши, страсти исцеляющи. Не презри и мене, Благая Владычице, на одре немощи моея низлежаща и вопиюща Ти:

Радуйся, милости сокровище многоценное; радуйся, отчаянных едина Надеждо.

Радуйся, тела моего врачевание; радуйся, души моея спасение.

Радуйся, твердая крепосте немощных; радуйся, изнемогающих Заступнице и укрепление.

Радуйся, гнев Божий Твоим молением скоро утоляющая; радуйся, страсти наша силою молитв Твоих укрощающая.

Радуйся, слепых зрение, глухих слышание; радуйся, хромых хождение, немых глаголание.

Радуйся, болящих благонадежное посещение; радуйся, яко Тобою, по мере веры, подаются благодатная исцеления всем немощствующим.

Радуйся, Благодатная Богородице Дево, погибших Взыскание и всех скорбящих Радосте.

Кондак 4

Буря многих бед и напастей обдержит мя, и волнения уже не терплю. Ты же, яко Милостивая Мати Спаса моего и Бога, воздвигни руце к Сыну Твоему, молящи Его, да призрит на лютую скорбь сердца моего и воздвигнет мя из пучины отчаяния, вопиющаго Ему: Аллилуиа.

Икос 4

Слышащи, Пресвятая Дево и Мати, Симеона праведнаго проречение: Тебе же Самой душу пройдет оружие, слагала еси в сердце Твоем вся глаголы сия, разумевающи, яко радость матерняго сердца о чадех многих печалей в мире сем бываем причастна. Темже, яко искушенней по всяческим и спострадати матерней скорби могущей, взываем Ти:

Радуйся, радость миру (Христа Спасит)еля рождшая; радуйся, мир от скорбей избавляющая.

Радуйся, поношение Сына Твоего терпевшая; радуйся, страданием Его спострадавшая.

Радуйся, скорбных матерей утешение; радуйся, чад их благодатное охранение.

Радуйся, в бедах скорое нам заступление; радуйся, заблуждших исправление.

Радуйся, младенцев питание; радуйся, юных наставление.

Радуйся, Мати сиротствующих; радуйся, вдов заступление.

Радуйся, Благодатная Богородице Дево, погибших Взыскание и всех скорбящих Радосте.

Кондак 5

Боготочную Кровь Сына Твоего на Кресте за спасение наше изливаемую зрящи, яко Раба Господня, повинующися воли Отца, Иже на Небесех, нам образ злострадания и терпения явила еси, да и мы, в пещи искушений и бед сущии, вопием смиренно Богу: Аллилуиа.

Икос 5

Видя Тя Сын Твой и Бог, при Кресте стоящую с возлюбленным учеником и сердцем Ему сраспинающуюся, глаголаше: «Жено, се, сын Твой», и ученику: «Се, Мати твоя», всыновляя Тебе вся верующия в Него. Мы же, яко общницы скорби и страданий Сына Твоего, имеюще в Тебе Благую Матерь, на Тя все упование в скорби возлагающе, вопием Ти:

Радуйся, Мати рода христианскаго; радуйся, усыновившая нас при Кресте Сына Твоего.

Радуйся, Бога с человеки соединившая; радуйся, верных Господеви сочетавшая.

Радуйся, Агнице, рождшая Агнца, вземшаго грехи мира; радуйся, чаше, черплющая нам радость от Источника безсмертия.

Радуйся, Споручнице спасения грешных; радуйся, Взыскание погибших.

Радуйся, нечаянная грешных Радосте; радуйся, падших востание.

Радуйся, Целительнице всех немощей; радуйся, утоление всякия печали.

Радуйся, Благодатная Богородице Дево, погибших Взыскание и всех скорбящих Радосте.

Кондак 6

Проповедуют милости Твоя, Богомати, вси концы вселенныя, ибо честным покровом Твоим покрывавши весь род христианский, о нем же присно молишися Христу Спасителю нашему и избавляеши от всех бед благонравныя и богобоящияся люди Твоя, верно вопиющия Богу: Аллилуиа.

Икос 6

Возсия благодать светозарная от пречудныя иконы Твоея, Богомати, пред нею же со слезами припадающе, молим Ти ся: отжени облак нашедших на ны искушений, да вопием Ти радостно:

Радуйся, приносящая к Сыну Твоему и Богу моления верных; радуйся, и Сама у Престола Сына Твоего присно молящаяся о нас.

Радуйся, Предстательнице к Богу, мир от бед спасающая; радуйся, Заступнице рода христианскаго, от Бога нам дарованная.

Радуйся, древо благосеннолиственное, имже покрываются мнози; радуйся, древо светлоплодовитое, имже питаются вернии.

Радуйся, покрове миру, ширший облака; радуйся, земле обетования, из ней же течет мед и млеко.

Радуйся, ниво, растящая обилие щедрот; радуйся, Подательнице всякия благости.

Радуйся, Благодатная Богородице Дево, погибших Взыскание и всех скорбящих Радосте.

Кондак 7

Хотящи явити токи чудес от святыя иконы Твоей «Взыскание погибших», повелела еси, Владычице, в погибели и печали сущим молебная пения пред тою совершати и получившим исцеление (проповедати м)илости, ради тоя иконы явленныя, да не сокрыт будет источник благодатных врачеваний всем требующим. Темже и мы не таим Твоих благодеяний, но благодарственне прославляюще Бога, вопием Ему: Аллилуиа.

Икос 7

Новая купель Силоамская паче оныя древния явися, Пречистая Владычице, храм Твой, в немже покланяемся чудотворней иконе Твоей: ибо не единою в лето и токмо первее входящим здравие тела подаеши, но всякий недуг и всякую язву душевную и телесную врачуеши с верою и любовию к Тебе прибегающих. Сего ради вопием Ти:

Радуйся, купель, в нейже вся скорби наша погружаются: радуйся, чаше, еюже радость и спасение восприемлем.

Радуйся, каменю, напаяющий жаждущия жизни; радуйся, древо, услаждающее сланыя воды житейскаго моря.

Радуйся, животворныя воды неистощимый Источниче; радуйся, бане, омывающая греховную скверну.

Радуйся, скорбей наших услаждение; радуйся, печалей наших утоление.

Радуйся, демонов попрание; радуйся врагов посрамление.

Радуйся, Благодатная Богородице Дево, погибших Взыскание и всех скорбящих Радосте.

Кондак 8

Странники и пришельцы вси есмы на земли сей, по глаголу апостолову: беды от врагов, беды от сродник, беды от лжебратии терпяще в лишениях многих и скорбех. Ты же, Владычице, яко Благая Путеводительница, настави нас к тихому пристанищу и моли Сына Твоего прощению прегрешений нам прежде конца дароватися, да присно вопием Богу: Аллилуиа.

Икос 8

Все житие наше на земли болезненно и печали исполнено от клеветы, досаждения, укорения и иных многовидных бед и напастей, немощствует бо тело, изнемогает и дух наш. К Тебе убо прибегаем, Богомати, пред пречистою иконою Твоею припадающе, исполни радости и веселия скорбная сердца наша, да вопием Ти:

Радуйся, Путеводительнице, к Небесному отечеству нас руководящая; радуйся, Царице Неба и земли, врата райская нам отверзающая.

Радуйся, Милостивная, нас милующая; радуйся, Домостроительнице, житие наше добре устрояющая.

Радуйся, Руно Орошенное, еже Гедеон предвиде; радуйся, Блаженное Чрево, невместимаго всеми Бога вместившее.

Радуйся, Неопалимая Купино; радуйся, Нерушимая Стено.

Радуйся, Живоносный Источниче; радуйся, Цвете Неувядаемый.

Радуйся, Умягчение Сердец Злых; радуйся, Умиление Благих.

Радуйся, Благодатная Богородице Дево, погибших Взыскание и всех скорбящих Радосте.

Кондак 9

Всякая житейская в мире сем сладость печали бывает причастна: слава не стоит, богатство мимотечет, лепота и здравие увядают, друзи и искренний смертию отъемлются. Услади убо наша скорби, благих Виновная, Твою нетленную дающи радость нам, вопиющим Богу: Аллилуиа.

Икос 9

Ветия многовещанныя недоумеют, киими словесы скорбящия и погибающия утешати, но Сама, Владычице, возглаголи сердцам нашим утешение, благодати Твоея лучами облак скорби нашея и мрак уныния разгоняющи, да взываем Ти:

Радуйся, обрадовавшая надеянием на Тя всех христиан; радуйся, Радосте и умирение миру.

Радуйся, Подательнице Божественныя благости; радуйся, Надеждо благ вечных.

Радуйся, Кораблю хотящих спастися; радуйся, Пристанище житейских плаваний.

Радуйся, верная Хранительнице уповающих на Тя по Бозе; радуйся, Одеждо нагих дерзновения.

Радуйся, Хранительнице всех и Утверждение; радуйся, всех верных Ограждение и священное Прибежище.

Радуйся, Помоще верно молящихся Тебе; радуйся, светлое благодати Познание.

Радуйся, Благодатная Богородице Дево, погибших Взыскание и всех скорбящиъ Радосте.

Кондак 10

Спасти хотяй род человеческий от вечныя муки и непрестающия скорби, Человеколюбец Господь в приснодевственную утробу Твою вселися, и Тебе, Матерь Свою, дарова погибающим в помощь, покров и защищение, да будеши печальным утешение, погибшим взыскание, скорбящим радование, отчаянным надежда, вечныя муки Своим ходатайством избавляющая и к Небесному веселию приводящая всех, верно вопиющих Сыну Твоему и Богу нашему: Аллилуиа.

Икос 10

Стена еси девам, Богородице Дево, и всем к Твоему покрову прибегающим. Темже молим Тя, заступи, покрый и соблюди всех погибающих и безпомощных от искушений, озлоблений и бед, Тебе с любовию взывающих:

Радуйся, Столпе девства; радуйся, чистоты и целомудрия Сосуде избранный.

Радуйся, воинствующим на плоть целомудрием изрядное венчание; радуйся, во иночестве благоскорбящим Подательнице вечнаго радования.

Радуйся, пламень страстей изменяющая; радуйся, мрак искушений прогоняющая.

Радуйся, наставнице целомудрия; радуйся, чистоты ограждение.

Радуйся, человеков исправление; радуйся, Еюже от падения нашего востахом.

Радуйся, твердое веры утверждение; радуйся, приятное молитвы кадило.

Радуйся, Благодатная Богородице Дево, погибших Взыскание и всех скорбящих Радосте.

Кондак 11

Пение всеумиленное приносим Ти, раби Твои, Богородице, яко всесильней Заступнице рода нашего: утоли болезни к Тебе прибегающих, укроти гнев Божий, праведно на ны движимый грех ради наших, избави нас от всякия лютыя скорби и погибели, вопиющих о Тебе Богу: Аллилуиа.

Икос 11

Светоприемная свеща, углем благодати Божия возжженная, явися нам пречестная икона Твоя, Владычице, на освящение наше и утешение. Мы же, любовию чтуще и с верою припадающе к ней, вопием Ти:

Радуйся, сильным Твоим заступлением от всех бед нас избавляющая; радуйся, от голода душевнаго и телеснаго нас снабдевающая: радуйся, огнь росою молитв Твоих угашающая.

Радуйся, от смертнаго губительства нас спасающая; радуйся, в бранех крепкая Помощнице.

Радуйся, от нашествия иноплеменных нас ограждающая; радуйся, от междоусобныя брани охраняющая.

Радуйся, плавающих легкое по водам прохождение; радуйся, путешествующих добрая Водительнице.

Радуйся, пленных свобождение; радуйся, от належащаго праведнаго прещения Божия скорое избавление.

Радуйся, Благодатная Богородице Дево, погибших Взыскание и всех скорбящих Радосте.

Кондак 12

Благодати залог восхотевши дати роду нашему, цельбоносную икону Твою явила еси нам, Богомати, от неяже токи чудес с верою приходящим источаются, недузи врачуются и скорби утоляются. Сего ради радостно о Тебе вопием Богу: Аллилуиа.

Икос 12

Поюще Твоя милости и чудеса, Богородительнице, хвалим Тя вси, яко твердую Предстательницу нашу, и со умилением поклоняемся Тебе, молящейся о нас, и просим: воздвигни руце к Сыну Твоему, да в сей жизни и по смерти нашей милосердие Его неотступно будет от нас, взывающих Ти:

Радуйся, непостыдное наше упование в житии и по преставлении нашем; радуйся, уповающим на Тя мирен конец жития сего подающая.

Радуйся, в день судный наша Надеждо и Защищение; радуйся, Судии Праведнаго умоление.

Радуйся, геенны вечныя избавление; радуйся, Надеждо вечнаго спасения.

Радуйся, Ключу Царствия Христова; радуйся, двере райская.

Радуйся, Мосте, к Небесем преводяй; радуйся, всех кающихся грешников Прибежище и Благая Заступнице.

Радуйся, Ангелов Радосте; радуйся, всех праведных Славо и Утешение.

Радуйся, Благодатная Богородице Дево, погибших Взыскание и всех скорбящих Радосте.

Кондак 13

О Всепетая Богообрадованная Мати, рождшая на радость Небу и земли Царя Христа, Бога нашего! Услыши глас скорбящих раб Твоих и, приемши сие малое моление наше, избави нас от всяких бед, скорбей и напастей; недуги наша исцели, клеветы потреби, всяку злобу и вражду отжени от нас и будущия изми муки о Тебе вопиющих: Аллилуиа.

Этот кондак читается трижды, затем 1-й икос «Ангел предстатель…» и 1-й кондак «Взбранней Воеводе…»

Икос 1

Ангел-Предстатель послан бысть с Небесе рещи Богородице: радуйся, Благословенная в женах, предреченная Мати Христа, Сына Божия. Темже и мы, грехми обремененнии, надежду спасения в Тебе улучивше, умильно взываем Ти:

Радуйся, Божие ко грешным благоволение; радуйся, кающихся пред Господем Богом крепкое заступление.

Радуйся, падшаго Адама воззвание; радуйся, слез Евиных избавление.

Радуйся, греховную отъемлющая скверну; радуйся, Бане омывающая совесть.

Радуйся, рождшая Избавителя, беззакония наша милостиво очищающаго; радуйся, всечудное всех к Богу Примирение.

Радуйся, Мосте, воистину преводяй нас от смерти к жизни; радуйся, мир от потопа греховнаго спасшая.

Радуйся, Лествице Небесная, еюже Господь к нам сниде; радуйся, Вина всех обожения.

Радуйся, Благодатная Богородице Дево, погибших Взыскание и всех скорбящих Радосте.

По окончании этого икоса хор опять поет 1 кондак и 1 икос:

Кондак 1

Взбранней Воевоводе победительная, яко избавльшеся от вечныя смерти благодатию от Тебе рождшагося Христа Бога нашего и Твоим Матерним пред Ним ходатайством, благодарственная восписуем Ти, раби Твои: яко имущая державу непобедимую, от всяких нас бед и скорбных обстояний свободи, зовущих:

Радуйся, Благодатная Богородице Дево, погибших Взыскание и всех скорбящих Радосте.

Царице моя преблагая, надеждо моя Богородице, приятелище сирых и странных предстательница, cкорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

О Пресвятая и Преблагословенная Дево, Владычице Богородице! Призри милостивным Твоим оком на нас, предстоящих пред святою иконою Твоею и со умилением молящихся Тебе; воздвигни нас из глубины греховныя, просвети ум наш, омраченный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице. Ты веси вся немощи и согрешения наша, к Тебе прибегаем и вопием: не остави нас Твоею Небесною помощию, но предстани нам присно и Твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея и избави нас от скорбей, бед и болезней, от внезапныя смерти, ада и вечныя муки. Ты бо, Царице и Владычице, Скорая Помощница и Заступница еси всем притекающим к Тебе и крепкое прибежище грешников кающихся. Подаждь убо нам, Преблагая и Всенепорочная Дево, христианский конец жития нашего мирен и непостыден и сподоби нас Твоим ходатайством вселитися в Обителях Небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно и во веки веков.

Молитва иная (читается если есть время после первой молитвы).

Заступнице Усердная, Благоутробная Господа Мати, к Тебе прибегаю аз, окаянный и паче всех человек грешнейший; вонми гласу моления моего, вопль мой и стенание услыши. Яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, Всеблагая и Милосердная Владычице, не презри мене, отчаянного и во гресех погибающаго; помилуй мя, кающагося в злых делех моих, и обрати на путь правый заблудшую окаянную душу мою. На Тебе, Владычице моя, Богородице, возлагаю все упование мое.