Акафист святой блаженной Ксении Петербургской (текст) — Ксения Петербургская

Акафист Ксении Петербургской одобрен решением Св. Синода 20 октября 1992 года. Утвержден для общецерковного использования.

Конда́к 1.

Избра́нная уго́дница и Христа́ ра́ди юро́дивая, свята́я блаже́нная ма́ти Ксе́ние, избра́вшая по́двиг терпе́ния и злострада́ния, хвале́бное пе́ние прино́сим ти́, чту́щия святу́ю па́мять твою́. Ты́ же заступи́ на́с от вра́г ви́димых и неви́димых, да зове́м ти́:

• Ра́дуйся, Ксе́ние блаже́нная, моли́твеннице о душа́х на́ших.

И́кос 1.

Равноа́нгельнаго жития́ взыска́ла еси́, блаже́нная ма́ти, по успе́нии му́жа твоего́ отве́ргла еси́ ми́ра сего́ красоту́ и вся́, я́же в не́м: по́хоть оче́с, по́хоть пло́ти и го́рдость жите́йскую, юро́дством ра́зум Христо́в стяжа́ла еси́. Того́ ра́ди услы́ши от на́с похвалы́, тебе́ возноси́мыя:

• Ра́дуйся, житие́м твои́м Андре́ю, Христа́ ра́ди юро́дивому ра́вная; ра́дуйся, и́мени своего́ отре́кшаяся, себе́ же уме́ршей именова́вшая.
• Ра́дуйся, в юро́дстве и́мя му́жа твоего́ Андре́я прия́вшая; ра́дуйся, и́менем му́жеским назва́вшись, не́мощи же́нской отреши́вшаяся.
• Ра́дуйся, все́ име́ние твое́ до́брым лю́дям и ни́щим разда́вшая; ра́дуйся, нищету́ доброво́льную Христа́ ра́ди прия́вшая.
• Ра́дуйся, ве́ка сего́ суему́дрия юро́дством твои́м отверга́тися на́с научи́вшая; ра́дуйся, блага́я уте́шительнице все́х, в моли́тве к тебе́ прибега́ющих.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 2.

Ви́дя стра́нное твое́ житие́, я́ко ты́ презре́ла еси́ до́м сво́й и вся́кое мирско́е бога́тство, родны́е по пло́ти безу́мной тя́ полага́ху, лю́дие же гра́да Петро́ва, ви́дя смире́ние твое́, нестяжа́ние и во́льную нищету́, воспе́ли Бо́гу: Аллилу́иа.

И́кос 2.

Ра́зум, от Бо́га тебе́ да́нный, ты́, Ксе́ние блаже́нная, в мни́мом безу́мии скры́ла еси́; в суете́ гра́да вели́каго а́ки пусты́нница жила́ еси́, моли́твы Бо́гу свои́ вознося́ непреста́нно. Мы́ же, дивя́щеся таково́му житию́ твоему́, взыва́ем тебе́ хвале́бно:

• Ра́дуйся, кре́ст тя́жкий юро́дства, от Бо́га тебе́ да́нный, на ра́ма своя́ прия́вшая; ра́дуйся, мни́мым безу́мием сия́ние благода́ти скрыва́вшая.
• Ра́дуйся, да́р прозорли́вости смире́нием кра́йним и по́двигом моли́твы стяжа́вшая; ра́дуйся, да́р се́й на по́льзу и спасе́ние стра́ждущих явля́вшая.
• Ра́дуйся, страда́ния людски́я прозорли́во в да́ли необозри́мей зре́вшая; ра́дуйся, жене́ до́брой о рожде́нии сы́на проре́кшая.
• Ра́дуйся, я́ко жене́ то́й у Бо́га ча́до испроси́вшая; ра́дуйся, все́х к Бо́гу в моли́тве прибега́ти научи́вшая.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 3.

Си́лою свы́ше, от Бо́га тебе́ дарова́нной, зно́й и лю́ту сту́жу му́жественно претерпева́ла еси́, распина́я пло́ть свою́ со страстьми́ и похотьми́. Те́м же Ду́хом Святы́м просвеща́емая, взыва́ла непреста́нно Бо́гу: Аллилу́иа.

И́кос 3.

Име́я, о блаже́нная, не́бо покро́вом себе́, зе́млю же ло́жем свои́м, отве́ргла еси́ плотоуго́дие Ца́рства Бо́жия ра́ди. Мы́ же, зря́ще таково́е твое́ житие́, со умиле́нием зове́м ти́:

• Ра́дуйся, жили́ще свое́ земно́е лю́дям отда́вшая; ра́дуйся, небе́снаго кро́ва взыска́вшая и получи́вшая.
• Ра́дуйся, ничто́же земно́е иму́щая, а все́х духо́вно богатя́щая; ра́дуйся, житие́м свои́м терпе́нию на́с науча́ющая.
• Ра́дуйся, любо́вь Бо́жию лю́дям показу́ющая; ра́дуйся, плода́ми благоче́стия украше́нная.
• Ра́дуйся, терпе́ние и незло́бие ми́ру яви́вшая; ра́дуйся, те́плая предста́тельница на́ша пред престо́лом Всевы́шняго.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 4.

Бу́рю жите́йскую, во гра́де Петро́ве мяту́щуюся, кро́тостию и незло́бием преодоле́ла еси́, блаже́нная ма́ти, безстра́стие же к тле́нному ми́ру стяжа́ла еси́. Те́м же и пое́ши Бо́гу: Аллилу́иа.

И́кос 4.

Слы́ша о тебе́, я́ко ты́, злостра́жда Христа́ ра́ди, ско́рбных утеша́еши, немощны́х укрепля́еши, заблу́ждших на пу́ть пра́вый наставля́еши, лю́дие стра́ждущия к по́мощи твое́й прибега́ху, воспева́юще тебе́:

• Ра́дуйся, пу́ть Христо́в все́м се́рдцем возлюби́вшая; ра́дуйся, кре́ст Христо́в ра́достно поне́сшая.
• Ра́дуйся, вся́кое поноше́ние от ми́ра, пло́ти и диа́вола претерпе́вшая; ра́дуйся, даро́в Бо́жиих преиспо́лненная.
• Ра́дуйся, любо́вь к бли́жним яви́вшая; ра́дуйся, стра́ждущим лю́дям утеше́ние подава́вшая.
• Ра́дуйся, сле́зу пла́чущих отира́вшая; ра́дуйся, благода́тию Ду́ха Свята́го чуде́сно согрева́емая.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 5.

Боготе́чной звездо́ю яви́лася свя́тость твоя́, Ксе́ние блаже́нная, освети́вшая небоскло́н гра́да Петро́ва. Уже́ бо лю́дем, ги́бнущим в безу́мии греха́, ты́ яви́ла пу́ть спасе́ния, все́х к покая́нию призыва́я, во е́же вопи́ти Бо́гу: Аллилу́иа.

И́кос 5.

Ви́дя по́двиги твоя́ в моли́тве, терпе́нии хла́да и зно́я, благочести́вые лю́ди пыта́хуся ума́лити страда́ния твоя́, оде́жду тебе́ и пи́щу принося́ще. Ты́ же вся́ сия́ ни́щим раздава́ла еси́, жела́я в та́йне по́двиг сво́й сохрани́ти. Мы́ же, дивя́ся во́льней нищете́ твое́й, взыва́ем ти́ си́це:

• Ра́дуйся, зно́й и сту́жу Христа́ ра́ди доброво́льно терпе́вшая; ра́дуйся, в моли́тве непреста́нно пребыва́вшая.
• Ра́дуйся, гра́д Петро́в всено́щным бде́нием от бе́д огражда́вшая; ра́дуйся, гне́в Бо́жий мно́гажды от него́ отвраща́вшая.
• Ра́дуйся, во все́ дни́ го́да ноча́ми в по́ле моли́вшаяся; ра́дуйся, сла́дость ра́йскую в нищете́ духо́вной вкуси́вшая.
• Ра́дуйся, я́ко в сла́дости се́й вся́ земна́я оста́вившая; ра́дуйся, я́ко вся́ в Бо́зе пребыва́вшая.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 6.

Пропове́дуют свя́тость жития́ твоего́, богоблаже́нная, вси́ изба́вленнии тобо́й от многоразли́чных боле́зней, бе́д и скорбе́й, бога́тии и убо́зии, ста́рцы и ю́ныя. Те́м же и мы́, прославля́юще тя́, Бо́гу вопие́м: Аллилу́иа.

И́кос 6.

Возсия́ла сла́ва по́двигов твои́х, блаже́нная ма́ти, егда́ ты́ но́щию строи́телем це́ркви Смоле́нской ка́мни та́йно носи́ла еси́, облегча́я де́лателей церко́вных. Сия́ ве́дуще, и мы́ гре́шнии зове́м ти́ такова́я:

• Ра́дуйся, та́йно твори́ти доброде́тели на́с науча́ющая; ра́дуйся, к по́двигом благоче́стия все́х призыва́ющая.
• Ра́дуйся, строи́телем хра́мов Бо́жиих помога́ющая; ра́дуйся, свя́тость церко́вную возлюби́вшая.
• Ра́дуйся, труды́ на́ши на пути́ спасе́ния облегча́ющая; ра́дуйся, к тебе́ прибега́ющих ско́рая помо́щница.
• Ра́дуйся, все́м скорбя́щим блага́я уте́шительница; ра́дуйся, гра́да Петро́ва небе́сная засту́пница.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 7.

Хотя́ изба́вити от ско́рби пла́чущаго врача́, жену́ хорони́вшаго, ты́ повеле́ла не́коей деви́це на О́хту бежа́ти и та́мо му́жа себе́ обрести́ и уте́шити. И соверши́шася та́ко, я́коже ты́ рекла́ еси́. Они́ же в ра́дости воспе́ша Бо́гу: Аллилу́иа.

И́кос 7.

Но́вое чу́до в моли́тве свое́й показа́ла еси́ ты́, блаже́нная ма́ти, егда́ рекла́ еси́ жене́ благочести́вой: “Возьми́ пята́к, поту́хнет”. Си́м прорекла́ е́й о пожа́ре до́ма ея́. И по моли́тве твое́й пла́мень огня́ угасе́. Мы́ же, ве́дяще сия́, вопие́м ти́ похва́льная:

• Ра́дуйся, ско́рби людски́я угаша́ющая; ра́дуйся, дерзнове́ние пред Бо́гом за стра́ждущих яви́вшая.
• Ра́дуйся, свече́ неугаси́мая, в моли́твах к Бо́гу я́рко горя́щая; ра́дуйся, предста́тельница на́ша в беда́х и напа́стех.
• Ра́дуйся, страстьми́ одержи́мых от ги́бели спаса́ющая; ра́дуйся, благочести́вых де́в от бра́ка неве́рнаго отвраща́ющая.
• Ра́дуйся, клевето́ю уя́звленных от отча́яния избавля́ющая; ра́дуйся, на суде́ непра́веднем ско́рая защи́тница.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 8.

Стра́нницей бездо́мней прошла́ еси́ пу́ть жи́зни твое́й в сто́льном гра́де оте́чества на́шего, в вели́цем терпе́нии ско́рби и поноше́ния неся́. Ны́не же в го́рнем Иерусали́ме пребыва́я, в ра́дости пое́ши Бо́гу: Аллилу́иа.

И́кос 8.

Все́м вся́ была́ еси́, Ксе́ние блаже́нная: скорбя́щим утеше́ние, немощны́м покро́в и защище́ние, печа́льным ра́дование, ни́щим одея́ние, боля́щим исцеле́ние. Сего́ ра́ди и вопие́м тебе́:

• Ра́дуйся, в го́рних, оби́телях пребыва́ющая; ра́дуйся, о на́с гре́шных та́мо моля́щаяся.
• Ра́дуйся, благи́й о́браз служе́ния Бо́гу яви́вшая; ра́дуйся, уни́женных и гони́мых покрови́тельница.
• Ра́дуйся, правосла́вный люд моли́твами твои́ми заступа́ющая; ра́дуйся, оби́димых и моля́щихся тебе́ защища́ющая.
• Ра́дуйся, оби́дящих вразумля́ющая; ра́дуйся, неве́рных и глуми́телей посрамля́ющая.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 9.

Вся́кия претерпе́ла еси́ боле́зни, блаже́нная ма́ти, нищету́ теле́сную, гла́д и жа́жду, еще́ же и поноше́ние от люде́й беззако́нных, и́же мня́ху тя́ безу́мной бы́ти. Ты́ же, Го́споду моля́ся, вы́ну взыва́ла Ему́: Аллилу́иа.

И́кос 9.

Вети́я многовеща́нныя не мо́гут разуме́ти, ка́ко ты́ безу́мием свои́м безу́мие ми́ра сего́ обличи́ла еси́ и не́мощию свое́ю посрами́ла еси́ кре́пкия и му́дрыя. Не ве́дают бо в тебе́ Бо́жией си́лы и Бо́жией прему́дрости. Мы́ же, по́мощь твою́ получи́вше, пое́м ти́ такова́я:

• Ра́дуйся, Боже́ственнаго Ду́ха носи́тельнице; ра́дуйся, со апо́столом Па́влом не́мощию свое́ю хвали́вшаяся.
• Ра́дуйся, мни́мым безу́мием свои́м ми́р обличи́вшая; ра́дуйся, красоту́ ве́ка своего́ спасе́ния ра́ди отве́ргшая.
• Ра́дуйся, небе́сная бла́га все́м се́рдцем возлюби́вшая; ра́дуйся, на пу́ть спасе́ния на́с призыва́ющая.
• Ра́дуйся, во грехе́ пия́нства гро́зная обличи́тельнице; ра́дуйся, безме́здным враче́м и ми́лостивым все́м бы́вшая.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 10.

Хотя́ спасти́ ду́шу, ты́ пло́ть свою́ со страстьми́ и похотьми́ распя́ла еси́ и, невозвра́тно себя́ отве́ргши, кре́ст сво́й на ра́ма своя́ возложи́ла еси́ и Христу́ все́м се́рдцем после́довала еси́, поя́ Ему́: Аллилу́иа.

И́кос 10.

Стена́ еси́ тве́рдая и прибе́жище необори́мое яви́лась моля́щимся тебе́, ма́ти Ксе́ние. Те́м же заступа́й и на́с от вра́г ви́димых и неви́димых моли́твами твои́ми, да зове́м ти́:

• Ра́дуйся, на тру́д духо́вный на́с воздвига́ющая; ра́дуйся, от сете́й вра́жиих на́с избавля́ющая.
• Ра́дуйся, фимиа́м кади́льный, Бо́гу приноси́мый; ра́дуйся, ми́р Бо́жий в сердца́ люде́й принося́щая.
• Ра́дуйся, ду́х зло́бы в сердца́х озло́бленных угаша́ющая; ра́дуйся, де́тем благи́м благослове́ние подаю́щая.
• Ра́дуйся, та́йною моли́твою и́х от боле́зней исцеля́ющая; ра́дуйся, ми́ру озло́бленному му́дрость Бо́жию яви́вшая.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 11.

Пе́ние хвале́бное прино́сят ти́, Ксе́ние блаже́нная, спа́сшиеся твои́ми моли́твами от бе́д и скорбе́й, и вся́ких напа́стей, и ку́пно с тобо́ю ра́достно пою́т Бо́гу: Аллилу́иа.

И́кос 11.

Светоза́рным све́том яви́лось житие́ твое́, свята́я ма́ти, во мра́ке жития́ сего́ освеща́ющим лю́ди. Ты́ бо па́дших из ти́ны греха́ изба́вила еси́ и к све́ту Христо́ву напра́вила еси́ пу́ть и́х. Те́м же и зове́м ти́:

• Ра́дуйся, правосла́вных люде́й Бо́жиим све́том просвеща́ющая: ра́дуйся, Христо́ва уго́дница, в ми́ре надми́рно пожи́вшая.
• Ра́дуйся, труды́ мно́гими вели́кую благода́ть стяжа́вшая; ра́дуйся, во тьме́ греха́ благода́тию Бо́жиею сия́вшая.
• Ра́дуйся, отча́явшимся на пути́ спасе́ния ру́ку по́мощи подаю́щая; ра́дуйся, немощны́х в ве́ре укрепля́ющая.
• Ра́дуйся, духо́в зло́бы посрамля́ющая; ра́дуйся, житие́м свои́м А́нгелов удиви́вшая.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 12.

Благода́ть оби́льно источа́еши, Ксе́ние блаже́нная, на чту́щих па́мять твою́ и прибега́ющих к покро́ву твоему́. Те́м же и на́м, тебе́ моля́щимся, источи́ от Бо́га струи́ исцеле́ния, да зове́м Ему́: Аллилу́иа.

И́кос 12.

Пою́ще мно́гая чудеса́ твоя́, блаже́нная ма́ти, восхваля́ем тя́ и всеусе́рдно мо́лим, не оста́ви на́с гре́шных в ско́рбных обстоя́ниях, но умоли́ Го́спода си́л, да не отпаде́м от ве́ры на́шея правосла́вныя, в Не́м же тобо́ю утвержда́еми зове́м ти́:

• Ра́дуйся, сострада́ти стра́ждущим на́с науча́ющая; ра́дуйся, не́мощи на́ша всеусе́рдно врачу́ющая.
• Ра́дуйся, распина́ти пло́ть со страстьми́ и похотьми́ науча́ющая; ра́дуйся, о чту́щих па́мять твою́ хода́таице и покрови́тельнице.
• Ра́дуйся, ско́рбный пу́ть проше́дшая; ра́дуйся, спасе́ние ве́чное си́м улучи́вшая.
• Ра́дуйся, ко гро́бу твоему́ притека́ющим отра́ду подаю́щая; ра́дуйся, о спасе́нии Оте́чества на́шего при́сно хода́тайствующая.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 13.

О, свята́я блаже́нная ма́ти Ксе́ние, в житии́ твое́м кре́ст тя́жкий поне́сшая! Приими́ от на́с, гре́шных, моле́ние сие́, к тебе́ приноси́мое. Огради́ на́с моли́твами твои́ми от наве́тов духо́в тьмы́ и все́х, мы́слящих на́м зла́я. Умоли́ всеще́драго Бо́га пода́ти на́м си́лу и кре́пость, да ки́йждо от на́с во́зьмет кре́ст сво́й и во сле́д Христу́ гряде́т, поя́ Ему́ с тобо́ю: Аллилу́иа.

Этот конда́к чита́ется три́жды, зате́м и́кос 1-й и конда́к 1-й.

И́кос 1.

Равноа́нгельнаго жития́ взыска́ла еси́, блаже́нная ма́ти, по успе́нии му́жа твоего́ отве́ргла еси́ ми́ра сего́ красоту́ и вся́, я́же в не́м: по́хоть оче́с, по́хоть пло́ти и го́рдость жите́йскую, юро́дством ра́зум Христо́в стяжа́ла еси́. Того́ ра́ди услы́ши от на́с похвалы́, тебе́ возноси́мыя:

• Ра́дуйся, житие́м твои́м Андре́ю, Христа́ ра́ди юро́дивому ра́вная; ра́дуйся, и́мени своего́ отре́кшаяся, себе́ же уме́ршей именова́вшая.
• Ра́дуйся, в юро́дстве и́мя му́жа твоего́ Андре́я прия́вшая; ра́дуйся, и́менем му́жеским назва́вшись, не́мощи же́нской отреши́вшаяся.
• Ра́дуйся, все́ име́ние твое́ до́брым лю́дям и ни́щим разда́вшая; ра́дуйся, нищету́ доброво́льную Христа́ ра́ди прия́вшая.
• Ра́дуйся, ве́ка сего́ суему́дрия юро́дством твои́м отверга́тися на́с научи́вшая; ра́дуйся, блага́я уте́шительнице все́х, в моли́тве к тебе́ прибега́ющих.
• Ра́дуйся, Ксе́ние блаже́нная, моли́твеннице о душа́х на́ших.

Конда́к 1.

Избра́нная уго́дница и Христа́ ра́ди юро́дивая, свята́я блаже́нная ма́ти Ксе́ние, избра́вшая по́двиг терпе́ния и злострада́ния, хвале́бное пе́ние прино́сим ти́, чту́щия святу́ю па́мять твою́. Ты́ же заступи́ на́с от вра́г ви́димых и неви́димых, да зове́м ти́:

• Ра́дуйся, Ксе́ние блаже́нная, моли́твеннице о душа́х на́ших.

Моли́тва пе́рвая.

О, свята́я всеблаже́нная ма́ти Ксе́ние! Под покро́вом Всевы́шняго жи́вшая, ведо́мая и укрепля́емая Богома́терию, гла́д и жа́жду, хла́д и зно́й, поноше́ния и гоне́ния претерпе́вшая, да́р прозорли́вости и чудотворе́ния от Бо́га получи́ла еси́ и под се́нию Всемогу́щаго поко́ишися. Ны́не свята́я Це́рковь, я́ко благоуха́нный цве́т, прославля́ет тя́. Предстоя́ще на ме́сте твоего́ погребе́ния, пред о́бразом твои́м святы́м, я́ко живе́й ти́, су́щей с на́ми, мо́лимся ти́: приими́ проше́ния на́ша и принеси́ и́х ко престо́лу милосе́рдаго Отца́ Небе́снаго, я́ко дерзнове́ние к Нему́ иму́щая, испроси́ притека́ющим к тебе́ ве́чное спасе́ние, на блага́я дела́ и начина́ния на́ша ще́дрое благослове́ние, от вся́ких бе́д и скорбе́й избавле́ние. Предста́ни святы́ми твои́ми моли́твами пред Всеми́лостивым Спаси́телем на́шим о на́с, недосто́йных и гре́шных. Помози́, свята́я блаже́нная ма́ти Ксе́ние, младе́нцы све́том свята́го креще́ния озари́ти и печа́тию да́ра Ду́ха Свята́го запечатле́ти, о́троки и отрокови́цы в ве́ре, че́стности, богобоя́зненности воспита́ти и успе́хи в уче́нии и́м дарова́ти; боля́щия и неду́гующия исцели́, семе́йным любо́вь и согла́сие ниспосли́, мона́шествующих по́двигом до́брым подвиза́тися удосто́й и от поноше́ний огради́, па́стыри в кре́пости Ду́ха Свята́го утверди́, наро́д и страну́ на́шу в ми́ре и безмяте́жии сохрани́, о лише́нных в предсме́ртный ча́с причаще́ния Святы́х Христо́вых Та́йн умоли́. Ты́ на́ша наде́жда и упова́ние, ско́рое услы́шание и избавле́ние, тебе́ благодаре́ние возсыла́ем и с тобо́ю сла́вим Отца́ и Сы́на и Свята́го Ду́ха, ны́не и при́сно, и во ве́ки веко́в. Ами́нь.

Моли́тва втора́я.

О препро́стая о́бразом жития́ своего́, бездо́мная на земли́, насле́днице же оби́телей Отца́ Небе́снаго, блаже́нная стра́ннице Ксе́ние! Я́коже пре́жде к надгро́бию твоему́ неду́жнии и ско́рбнии припа́давшии и а́бие утеше́ниями исполня́емии, си́це ны́не и мы́ (имена́), обурева́емии тлетво́рными обстоя́нии, тебе́ прибега́юще, с наде́ждою про́сим: помоли́ся, блага́я небоше́ственнице, дабы́ испра́вилися стопы́ на́ша по словеси́ Госпо́дню к де́ланию за́поведей Его́, и да упраздни́тся богобо́рное безбо́жие, плени́вшее гра́д тво́й и страну́ твою́, поверга́ющее на́с, многогре́шных, в сме́ртное братоненавиде́ние, го́рдое самовозбеше́ние и ху́льное отча́яние. О, блаже́ннейшая Христа́ ра́ди, посрами́вшая суему́дрость ве́ка сего́, испроси́ у Творца́ и Пода́теля вся́ческих бла́г дарова́ти на́м смире́ния, кро́тости и любве́ в сокро́вище се́рдца на́шего, ве́ры в укрепле́ние моли́твы, наде́жды в покая́нии, кре́пости в многотру́днем житии́, милосе́рдаго исцеле́ния души́ и те́ла на́шего, целому́дрия в супру́жестве и благопопече́ния о бли́жних и и́скренних свои́х, всего́ жития́ на́шего обновле́ние в чисти́тельней ба́не покая́ния, я́ко да всехва́льно воспева́юще па́мять твою́, просла́вим в тебе́ чудоде́йствующаго, Отца́ и Сы́на и Свята́го Ду́ха, Тро́ицу Единосу́щную и Неразде́льную во ве́ки веко́в. Ами́нь.

Моли́тва тре́тья.

О пресла́вная свята́я блаже́нная ма́ти на́ша Ксе́ние, те́плая о на́с пред Бо́гом моли́твеннице! Я́коже пре́жде к надгро́бию твоему́ припа́давшии, си́це ны́не и мы́ по прославле́нии твое́м к моще́м твои́м прибега́юще, про́сим: помоли́ся Го́споду, да освяти́т на́ши души́ и телеса́, да просвети́т у́м, очи́стит со́весть от вся́кия скве́рны, нечи́стых по́мыслов, лука́вых и ху́льных умышле́ний и от вся́каго превозноше́ния, го́рдости же и киче́ния, высокоу́мия же и де́рзости, от вся́каго фарисе́йскаго лицеме́рия, и от вся́каго сту́днаго и лука́ваго обы́чая на́шего; да да́рует на́м и́скреннее покая́ние, сокруше́ние серде́ц на́ших, смиренному́дрие, кро́тость же и ти́хость, благогове́ние, ра́зум же духо́вный со вся́ким благоразу́мием и благодаре́нием. Утаи́вшая себе́ от му́дрых ве́ка сего́, но Бо́гу зна́емая, испроси́ же стране́ на́шей Росси́йстей от бе́д лю́тых избавле́ние, всего́ на́шего жития́ обновле́ние и исправле́ние, соблюди́ на́с во вся́ком благочести́вом правосла́вном испове́дании ве́ры христиа́нския, я́ко да ублажа́юще тя́ сподо́бимся во вся́ дни́ воспева́ти, благодари́ти и сла́вити Отца́ и Сы́на и Свята́го Ду́ха, Тро́ицу Единосу́щную, Животворя́щую и Неразде́льную во ве́ки веко́в. Ами́нь.

Моли́тва четве́ртая.

О свята́я уго́дница Бо́жия блаже́нная Ксе́ние! При́зри ми́лостиво твои́м о́ком на на́с, ра́б Бо́жиих (имена́), честне́й твое́й ико́не уми́льно моля́щихся и прося́щих у тебе́ по́мощи и заступле́ния. Простри́ ко Го́споду Бо́гу на́шему те́плыя твоя́ моли́твы и испроси́ душа́м на́шим оставле́ние прегреше́ний. Се́ бо мы́ се́рдцем сокруше́нным, и ду́хом смире́нным тебе́ хода́таицу ми́лостивую ко Влады́це и моли́твенницу за ны́, гре́шныя, призыва́ем, я́ко ты́ прия́ла еси́ от Него́ благода́ть моли́тися за ны́ и от бе́д избавля́ти. Тебе́ у́бо про́сим, не пре́зри на́с недосто́йных, моля́щихся тебе́ и твое́й по́мощи тре́бующих, и исхода́тайствуй все́м вся́ ко спасе́нию поле́зная, я́ко да твои́ми ко Го́споду Бо́гу моли́твами получи́вши благода́ть и ми́лость просла́вим все́х благи́х Исто́чника и Даропода́теля и Бо́га Еди́наго, в Тро́ице Святе́й сла́вимаго. Отца́ и Сы́на и Свята́го Ду́ха, ны́не и при́сно и во ве́ки веко́в.

Акафист блж.

Ксении Петербургской

Акафист блж. Ксении Петербургской

Кондак 1

Избранная угодница Христова, святая блаженная Ксение, хвалебное пение ти приносим, чтуще терпение твое и злострадание вольное; ты же, имеющи дерзновение ко Господу, во всяких бедах и напастех заступай нас, грешных, взывающих к тебе: Радуйся, Ксение блаженная, молитвеннице о душах наших.

Икос 1

Равноангельски на земли пожила еси, блаженная мати, по успении мужа твоего, без приуготовления христианскаго внезапу скончавшагося, отвергла еси жизнь мирскую, Бога молящи супруга твоего душу помиловати, подвиг юродства на себе приявши, стяжала еси совершенство духовное. Того ради услыши от нас похвалы сия, тебе возносимыя:

Радуйся, Христова угоднице, в мире надмирно пожившая; радуйся, вси прилоги мира, плоти и диавола победившая.

Радуйся, нищету вольную на всю жизнь избравшая; радуйся, сокровище безценное на Небеси улучившая.

Радуйся, печали и скорби безропотно сносившая; радуйся, народом православным любимая и славимая.

Радуйся, о часе смертнем помнити нас призывающая; радуйся ближняго душу паче мира сего любити научающая.

Радуйся, Ксение блаженная, молитвеннице о душах наших.

Кондак 2

Видяще странное твое житие, блаженная, яко ты во цвете младости твоея во одежду мужа твоего усопшаго облеклася, именем его нареклася и себе умершею глаголала еси, дом же твой и вся блага земная оставивши, скиталицею себе сотворила еси, сродницы безумною тя мняху, люди же боголюбивии воспеша: Аллилуиа.

Икос 2

Разум, от Бога дарованный, сокрыла еси, блаженная Ксение, во безумии мнимом; в суете града великаго аки пустынница жила еси, молитвы к Богу возносящи непрестанно. Мы же, дивящеся житию твоему, воспеваем сице:

Радуйся, от Бога крест тяжкий юродства на раме свои приявшая; радуйся, мнимым безумием сияние благодати сокрывшая.

Радуйся, именем мужеским нарекшися, немощи женския отрешившаяся; радуйся, житием твоим Андрею, Христа ради юродивому, равная.

Радуйся, все имение твое бедным людям раздавшая; радуйся, жилище Духу Святому в сердце твоем уготовившая.

Радуйся, всех прибегающих к тебе благое утешение; радуйся, от смерти внезапныя избавление.

Радуйся, Ксение блаженная, молитвеннице о душах наших.

Кондак 3

Силою, свыше ти дарованною, благодатию и мужеством зной и стужу лютую одолевала еси молитвою всенощно творимою, и поклонами; темже и прославлена бысть святость твоя, блаженная Ксение, во Отечестве нашем многострадальнем и во всем мире православнем, да зовем с тобою Богу: Аллилуйя.

Икос 3

Имела еси, о Мати блаженная, небо — покров, землю же — ложе свое, попечением о теле, во одежду ветхую облеченном, небрегла еси, молитвы же к Богу пламенне возносила еси, Сего ради воспеваем ти сице:

Радуйся, век твой земный без крова проведшая; радуйся, Небеснаго крова взыскавшая и того улучившая.

Радуйся, по вся времены года всенощно в поле молившаяся; радуйся, поклоны земныя на вся страны света тамо творившая.

Радуйся, град Петров всенощным бдением от бед ограждавшая; радуйся, гнев Божий от него многажды отвращавшая.

Радуйся, благодатию Духа Святаго чудесно согреваемая; радуйся, хлад лютый душ наших молитвою твоею растопляющая.

Радуйся, Ксение блаженная, молитвеннице о душах наших.

Кондак 4

Бурю житейскую, на стогнах града твоего мятущуюся, кротостию и незлобием одолевала еси, мати блаженная; безстрастие же посреди мира дольняго стяжала еси. Духом Святым просвещаемая, взывала еси Подателю тишины сердечныя Богу: Аллилуйя.

Икос 4

Слышаша людие дар прозрения чудный, тобою явленный, святая мати, и дивишася. Се, жене некоей рекла еси: «Возьми пятак, тут царь на коне… Потухнет». Та же, не ведаюши, яко ты пожар дома ея прозрела еси, притече во своя си и узре дом свой, во огни горящ. И по молитве твоей пламень огня угасе. Людие же страждущии к помощи твоей прибегаху, юже стяжавше, взываша ти сице:

Радуйся, дар прозрения смирением крайним стяжавшая; радуйся, дар сей на пользу и спасение страждущих являвшая.

Радуйся, свеще негасимая, к Богу в молитвах горевшая; радуйся, верою твоею пламенною пожары домов угашавшая.

Радуйся, грядущая страдания людская аки настоящая зревшая; радуйся, врачем безмедным и милосердым людем бывшая.

Радуйся, яко и нас, немощных в вере, укрепляеши; радуйся, яко сиянием святости твоея народ православный озаряеши.

Радуйся, Ксение блаженная, молитвеннице о душах наших.

Кондак 5

Боготечною звездою осветила еси небосклон града Петра апостола святость твоя, угоднице Божия, уже бо людям, во безумии греха погибающим, явила еси путь спасения, к покаянию их призывающи, во еже вопити Богу: Аллилуйя.

Икос 5

Видяще подвиги твоя молитвенныя, терпение хлада и зноя великое, людие ослабити желаху страдания твоя, ты же одежду и вся ими приносимая нищим раздавала еси, нищету свою аки сокровище хранящи. Сего ради слышиши от нас сицевая:

Радуйся, богатство твое токмо в любви к Богу и ближним полагавшая; радуйся, ничтоже земное имевшая и всех духовно богатившая.

Радуйся, милостивым твоим сердцем страждущим сострадавшая; радуйся, помощь им чрез людей добрых посылавшая.

Радуйся, миру чуждая, в мире живущим добро творившая; радуйся, века сего суемудрия отвергатися научившая.

Радуйся, плакати со плачущими нас подвигающая; радуйся, от сна тяжкаго греховнаго пробуждающая.

Радуйся, Ксение блаженная, молитвеннице о душах наших.

Кондак 6

Проповедана бе святость жития твоего, богоблаженная, жителем града твоего, егда ты о младенце, еще не рождшемся, заботу явила еси, и жене доброй, в доме, тобою дарованном, жившей, прорекла еси: «Бог тебе сына послал, теки на кладбише Смоленское!» Она же поспешила есть, и сиротку, рожденнаго у матере, внезапу на пути пострадавшей и скончавшейся, в дом свой прияла есть. И вси, аки семья единая, вся лета жития своего, тебе благодаряще, Богу Человеколюбцу взываша: Аллилуйя.

Икос 6

Возсияла есть слава подвигов твоих, блаженная мати Ксение, егда ты нощию на верх храма Смоленскаго камни, таящися, носила еси, дому Пречистыя возградитися пособствующи. Ныне же вси молящиися во святем храме сем и всем мире Божием, на образ твой взирающе, воспевают сице:

Радуйся, к подвигом благочестия всех призывающая; радуйся, тайно творити добро научающая.

Радуйся, храмы Божия зиждущим помогающая; радуйся, святыню церковную возлюбившая.

Радуйся, в делех благих усердное поспешение; радуйся, трудов наших на пути спасения облегчение.

Радуйся, под кровом Божия Матере подвиги творившая и тако почившая; радуйся, с Нею ныне на Небеси о нас Христа молящая.

Радуйся, Ксение блаженная, молитвеннице о душах наших.

Кондак 7

Хотя судьбы людския во благая устроити, повелела еси деве кроткой на Охту тещи, прорекши: «Муж твой тамо жену хоронит!» Она же в недоумении бысть, обаче не ослушася глагола твоего, и тамо вдовца младаго, над гробом жены рыдавшаго, сретила есть и утешение в молитве ему подаде. Году же минувшу, они венчахуся. В любве и согласии многая лета поживше, чад своих наставляша тебе, святая мати, чтити, Богу же воспеваху песнь: Аллилуйя.

Икос 7

Новое чудо показала еси, блаженная посреде скверны людския юродством сокрытую душу твою в кротости ангельстей соблюдши. Научи и нас, мати Ксение, и малыя доли скорбей твоих не терпящих и в ропоте на Бога и ближняго дни наша иждевающих, вся свыше посылаемая в терпении сносити, да, взирающе на подвиги твоя, чистым сердцем зовем ти сице:

Радуйся, миру злохладному благодатную мудрость явившая; радуйся, нищеты духовныя блаженство вкусившая.

Радуйся, образ терпения и благосердия нам подающая; радуйся, смирением и покаянием от бед избавитися научающая.

Радуйся, с молитвою и любовию детей благословлявшая; радуйся, ласкою рук твоих чудесно их исцелявшая.

Радуйся, тоску тяжкую, душу сокрушающую, от нас отводящая; радуйся, надеждою несумненною на милость Божию окрыляющая.

Радуйся, Ксение блаженная, молитвеннице о душах наших.

Кондак 8

Странницею бездомною протекла еси путь скорбный жизни твоея в стольнем граде Отечества нашего, мати всеблаженная, взыскующи Града Вышняго, Иерусалима Небеснаго; ныне же в нем со ангелы и всеми святыми поеши Богу: Аллилуйя.

Икос 8

Вся в молитвах ко Творцу пребываюши, мати святая, до успения твоего, от страданий и подвигов к жизни блаженней и вечней невозбранно прешла еси. Сего ради, преклоняюще колена сердец наших, благоговейное пение ти приносим:

Радуйся, во обителех горних с лики святых ликующая; радуйся, и нас, тебе молящихся, тамо не забывающая.

Радуйся, чудеса неизчетныя по успении твоем явившая; радуйся, смертно болящих, врачами оставленных, исцелявшая.

Радуйся, во пиянстве гибнущих устрашение и исправление; радуйся, места служения лишившимся благое поспешение.

Радуйся, вдовиц и жен, супругом оставленных, покровительнице; радуйся, странников и безприютных питательнице.

Радуйся, Ксение блаженная, молитвеннице о душах наших.

Кондак 9

Всякия утоли болезни, блаженная мати Ксение, на тя надеющихся и к помощи твоей усердно притекающих, поминающих душу твою для души своея спасения, како ты завещала еси, Богу же, в тебе прославленному, вопиющих непрестанно: Аллилуйя.

Икос 9

Ветия суемудренныя разумети не могут, како ты безумием своим безумие мира сего обличила еси и немощию своею сильныя и крепкия посрамила еси, не ведают бо в тебе силы Божия и премудрости. Мы же, тя почитающе, с любовию зовем ти сице:

Радуйся, Божественнаго Духа селение; радуйся, велие к Богу дерзновение.

Радуйся, на усыпальнице твоей молящимся являющаяся и им помогающая; радуйся, землею и елеем от нея многия освятившая и от недуг исцелившая.

Радуйся, яко одержимых страстьми от гибели спасаеши; радуйся, яко отвергатися себе нас научаеши.

Радуйся, любви и смирения путь во спасение нам открывающая; радуйся, души наша к жизни будущаго века готовящая.

Радуйся, Ксение блаженная, молитвеннице о душах наших.

Кондак 10

Спасти люди хотящи, блаженная мати Ксение, присно даруеши им заступление твое чудное. Се, деву благочестивую, со вдовицею материю ея в канун венчания у могилы твоея усердно молившуюся, от брака спасла еси со злодеем, иже ратнаго человека уби, имя же и чин его себе присвой. В день тойже убийца оный внезапу обличен бе и, ужасом объят, признася всенародно, яко сила Божия сироту от брака с ним избави. Мы же, дивящеся силе молитв твоих, спасающих, воспеваем Богу: Аллилуйя.

Икос 10

Стена еси нерушимая, преблаженная мати, домом православных. Не остави и ныне супруги разделенныя, помози родителем, за грехи своя о чадех слезы проливающим, научи юноши и девы в чистоте себе хранити и всех нас святыню уз семейных почитати, да единеми усты воспеваем ти сице:

Радуйся, дев благочестивых от брака невернаго избавляющая; радуйся, спутника жизни добраго им обрести помогающая.

Радуйся, сродников враждующих благое примирение; радуйся, слез детских осушение.

Радуйся, от убиения младенцев во чреве женам грозное прещение; радуйся, на камени любви и веры домов устроение.

Радуйся, супругов, смертию разлученных, ограждение; радуйся, в жизни безсмертней вечное их соединение.

Радуйся, Ксение блаженная, молитвеннице о душах наших.

Кондак 11

Пение благодарственное приносят ти, мати блаженная, людие православнии, от бед и болезней молитвами твоими избавленнии. И ныне, аще попустит нам праведный Господь скорби грех наших ради, со слезами к тебе припадем, уповающе на милостивое твое о нас к Богу предстательство, да воспоем Ему. Аллилуйя.

Икос 11

Светозарным лучем, во мраце жизни сея путь ко Свету Неприступному освещающим, явися житие твое, богомудрая Ксение, и прославление всенародное, чудес множеством осиянное. И в годину лютую гонений безбожных вернии от часовни твоея не отступиша, но, презревше и страх смертный, с верою и упованием к тебе притекаху, сердцем воспевающе сице:

Радуйся, безнадежных надеяние; радуйся, в бездне отчаяния погибающих спасение.

Радуйся, униженных и гонимых покровительнице; радуйся, от клеветы и суда неправеднаго защитнице.

Радуйся, обидимых и обездоленных утешение; радуйся, обидящих грозное вразумление.

Радуйся, града святаго Петра Небесная заступнице; радуйся, чадом земли Российския мати и кормилице.

Радуйся, Ксение блаженная, молитвеннице о душах наших.

Кондак 12

Благодать утешений обильно изливаеши, блаженная Ксение, всем чтущим память твою и к заступлению твоему притекающим. Темже и мы, грешнии, по Бозе на тя надежду возлагаем и молимся тебе усердно: не остави нас во обстояниих скорбных, умоли Господа Сил, да не отпадем от веры нашея православныя, в нейже тобою утверждаеми, зовем Ему верно: Аллилуйя.

Икос 12

Поюще многая твоя чудеса, блаженная мати Ксение, восхваляем тя, яко теплую нашу заступницу и скорую предстательницу. Улучающе же от тебе помощь благодатную, неустанно воспеваем сице:

Радуйся, светом кротости твоея вся концы земли озарившая; радуйся, житием твоим постническим гордыню диавольскую посрамившая.

Радуйся, мира Божия в сердца верных принесение; радуйся, дому царскому поможение и благословение.

Радуйся, о спасении Отечества нашего присно молящая; радуйся, во Отечество Небесное нам путь указующая.

Радуйся, по Богородице в скорбех и печалех наше утешение; радуйся, по Бозе грехов наших прощение и вечное спасение.

Радуйся, Ксение блаженная, молитвеннице о душах наших.

Кондак 13

О, святая блаженная мати Ксение, в житии твоем крест тяжкий понесшая, приими от нас грешных моление сие, тебе приносимое, огради нас молитвами твоими от наветов духов тьмы, от бед и напастей, умоли Всещедраго Бога подати нам силу и крепость, да, вземше крест свой, во след Христу грядем, поюще Ему с тобою во веки: Аллилуйя. (Этот кондак читается трижды, затем икос 1 и кондак 1)

Икос 1

Равноангельски на земли пожила еси, блаженная мати, по успении мужа твоего, без приуготовления христианскаго внезапу скончавшагося, отвергла еси жизнь мирскую, Бога молящи супруга твоего душу помиловати, подвиг юродства на себе приявши, стяжала еси совершенство духовное. Того ради услыши от нас похвалы сия, тебе возносимыя:

Радуйся, Христова угоднице, в мире надмирно пожившая; радуйся, вси прилоги мира, плоти и диавола победившая.

Радуйся, нищету вольную на всю жизнь избравшая; радуйся, сокровище безценное на Небеси улучившая.

Радуйся, печали и скорби безропотно сносившая; радуйся, народом православным любимая и славимая.

Радуйся, о часе смертнем помнити нас призывающая; радуйся ближняго душу паче мира сего любити научающая.

Радуйся, Ксение блаженная, молитвеннице о душах наших.

Кондак 1

Избранная угодница Христова, святая блаженная Ксение, хвалебное пение ти приносим, чтуще терпение твое и злострадание вольное; ты же, имеющи дерзновение ко Господу, во всяких бедах и напастех заступай нас, грешных, взывающих к тебе: Радуйся, Ксение блаженная, молитвеннице о душах наших.

Молитвы блж. Ксении Петербургской

О святая всеблаженная мати Ксение! Под покровом Всевышняго жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотворения от Бога получила еси и под сенью Всемогущего покоишися. Ныне святая Церковь, яко благоуханный цвет, прославляет тя. Предстояще на месте твоего погребения, пред образом твоим святым, яко живей ти, сущей с нами, молимся ти: приими прошения наша и принеси их ко престолу милосерднаго Отца Небеснаго, яко дерзновение к Нему имущая, испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных. Помози, святая блаженная мати Ксение, младенцы светом святого крещения озарити и печатию дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия и недугующия исцели, семейным любовь и согласие ниспосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли. Ты наша надежда и упование, скорое услышание и избавление, тебе благодарение воссылаем и с тобою славим Отца и Сына и Святаго Духа, ныне и присно, и во веки веков. Аминь.

Молитва Ксении Петербургской о любви и здравии

О препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы (имена), обуреваемии тлетворными обстоянии, тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние. О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.

Молитва Ксении Петербургской о семейной благополучии

О преславная святая блаженная мати наша Ксение, теплая о нас пред Богом молитвеннице! Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением. Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.

Молитва Ксении Блаженной о помощи

О святая угодница Божия блаженная Ксения! Призри милостиво твоим оком на нас, раб Божиих (имена), честной твоей иконе умильно молящиеся и просящие у тебе помощи и заступления. Простри ко Господу Богу нашему теплыя твоя молитвы и испроси душам нашим оставление прегрешений. Се бо мы сердцем сокрушенным, и духом смиренным тебе ходатаицу милостивую ко Владыце и молитвенницу за ны, грешныя, призываем, яко ты прияла еси от Него благодать молитися за ны и от бед избавляти. Тебе убо просим, не презри нас недостойных, молящихся тебе и твоей помощи требующих, и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единаго, в Троице Святей славимаго. Отца и Сына и Святаго Духа, ныне и присно и во веки веков.

Акафисты. Оглавление >>

Книги — Скит святой Ксении — notofthisworldiconsandbooks.

com

15 товаров отфильтровано по:

Скит Святой Ксении
×

Распроданный

Акафист святой Ксении

$3.00

Акафист святой Ксении Петербургской, Бездомной страннице Петербургской.
Мягкий переплет, 17 страниц. Издательство: Скит Св. Ксении, 7-е изд., 2018 г. Размер: 5 1/2″ x 8 1/2″ ISBN: 0938635131

Посмотреть продукт

Индекс всех святых

$12.00

Все святые, молите Бога о нас! Алфавитный список православных святых и праздников. Мягкая обложка, 204 страницы. Издательство: Скит Св. Ксении, 1-е издание, 2002 г. Размер: 5 1/4″ x 8…

Просмотр товара

Распроданный

Блаженная Афанасия 2-е издание редкая книга

$130.00

Блаженная Афанасия и Пустынный Идеал, ученица преподобного Серафима. Фр. Александр Приклонский. 2-е издание. Редкая книга, распроданная. Отличное состояние с чистыми страницами. Переплет цел, но с ним нужно обращаться…

Посмотреть продукт

Утешитель страждущих сердец

$12.00

Утешитель страждущих сердец. Жизнь, советы и чудеса старицы Рахили, провидицы России. Протоиерей Сергий Лебедев. Мягкая обложка, 227 страниц. Издательство: Свято-Ксениев скит, 1-е издание, 2001 г. Размер: 5 1/4 дюйма…

Посмотреть продукт

Распроданный

Покаяние в забытом лекарстве

$6,95

Забытое лекарство, Тайна покаяния. Архимандрит Серафим Алексиев.
Мягкая обложка, 72 страницы. Издательство: Скит Св. Ксении, 2-е издание, 8-е издание, 2020 г. Размер: 5 1/4″ x 8 1/4″ ISBN: 0938635494

Посмотреть продукт

Распроданный

Иллюстрированные изречения святых отцов

$4.00

Иллюстрированные изречения святых отцов. Монах Иоанн Вранос.
Мягкий переплет, 48 страниц. Издательство: Свято-Ксениев скит, 5-е изд., 2018 г. Размер: 5 1/2″ x 8 1/2″

Посмотреть продукт

Распроданный

Зажжение Божественной искры

$9,95

Зажигание Божественной Искры. Учение о том, как сохранить духовное рвение. Святитель Феофан Затворник.
Мягкая обложка, 160 страниц. Издательство: St. Herman Press, 3-е издание, 2-е издание, 2004 г. ISBN: 9781887904384

Посмотреть продукт

Распроданный

Письма новичку

$8,95

Письма новичку. О отдаче жизни Богу. Игуменья Таисия Леушинская. Мягкая обложка, 110 страниц. Издательство: Скит Св. Ксении, 2-е издание, 3-е издание, 2005 г. Размер: 5 1/4″ x 8 1/4″ ISBN:…

Посмотреть продукт

Мария Олонецкая

$8,95

Мария Олонецкая. Пустынный обитатель северных лесов. Епископ Никодим.
Мягкая обложка, 111 страниц. Издательство: Скит Св. Ксении, 2-е издание, 1996 г. Размер: 5 1/4″ x 8 1/4″ ISBN: 0938635743

Посмотреть товар

Мария Олонецкая 1-е издание Редкое

$35.00

Мария Олонецкая. Пустынный обитатель северных лесов. 1-е издание. Состояние отличное как новое. Чистая обложка и белые страницы внутри. Переплет не поврежден, но очень тонкий, как и эта книга…

Посмотреть товар

Мария Олонецкая 1-е издание Редкий переплет сломан

25 долларов США

Мария Олонецкая. Пустынный обитатель северных лесов. 1-е издание. Очень хорошее состояние. Чистая обложка и белые страницы внутри. Без подчеркивания, письма или выделения. Переплет сломан, но цел. Остатки…

Посмотреть товар

Дай Бог тебе мудрости

25 долларов США

Дай Бог тебе мудрости. Письма о. Иоанн Крестьянкин.
Мягкая обложка, 519 страниц. Издательство: Скит Св. Ксении, 1-е издание, 2007 г. Размер: 5 1/4″ x 8 1/4″ ISBN: 1887904395

Посмотреть товар

Значение страдания

$8,95

Значение страдания, раздора и примирения. Архимандрит Серафим Алексиев.
Мягкая обложка, 112 страниц. Издательство: Скит Св. Ксении, версия 1994 г., переиздана в 2016 г. Размер: 5 1/4″ x 8 1/4″ ISBN: 0938635867

Посмотреть продукт

Преподобный Серафим Саровский чудотворец

$17.00

Преподобный Серафим Саровский чудотворец и его духовное наследие. Елена Концевич.
Мягкая обложка, 366 страниц. Издательство: Скит Св. Ксении, 1-е издание, 2004 г. Размер: 5 1/4″ x 8 1/4″ ISBN: 1887904379

Посмотреть товар

Распроданный

Служба нашей блаженной Ксении

$4.00

Служба блаженной во Христе нашей святой Ксении, бездомной страннице Санкт-Петербургской. Включает в себя 11-страничное резюме ее жизни и чудес. Служба включает Малую вечерню, Великую вечерню, Утреню,…

Посмотреть товар

roosje: {маленькая розочка}: Акафисты

Акафисты – это молебны

, которые каждый может молиться дома.

Они написаны 

Святой Троице

Господу и Спасителю Иисусу Христу

Богородицы и

на праздники

Святых в Православной Церкви.

*

На этой странице размещены ссылки на столько акафистов, сколько

я нахожу в Интернете на английском языке.

Те, которые я не нашел в Интернете, но имею
в формате PDF или MS Word отмечены звездочкой *

Я буду рад отправить их вам по электронной почте.

Просто напишите мне сюда.

Я написал свой оригинальный пост на эту тему здесь.

*

Акафист Елизаветы:

Святой Троице и Христу Иисусу Господу нашему:

мне получить официальную копию этого, который мне прислали много лет назад)

2. Акафист Иисусу Свету сущим во Тьме (здесь, здесь и отрывок здесь)

3. Акафист Всемилостивому Господу, Врачу Наши души и тела (здесь)

4. Акафист «Слава Богу за все» (здесь, здесь, здесь и здесь)

5. Акафист «Слава Чудотворцу Богу» (отрывок здесь)*

6. Акафист Всевышнему Страсти Христовы (здесь, здесь и здесь)

7. Акафист Сладчайшему нашему Иисусу Христу (тут, здесь, здесь, здесь и здесь)

8. Параклесис Господу нашему Иисусу Христу (тут)

9. Акафист Живоносному Гробу и Воскресению Господа Иисуса Христа (здесь и здесь)

10. Акафист Духовной Лествице, Честному Кресту (здесь)
Акафист Песнь Богу Вседержителю Помощи в беде (здесь)

Акафисты Господу:

1. Акафист ко Святому Причащению (здесь и здесь)

2. Акафист Упокоению усопших (здесь и здесь)

Пресвятой Богородице, Богородице:


1.Служение малого параклесиса (ходатайственного моления)
Пресвятой Богородице (здесь и здесь)

2. Акафист Пресвятой Богородице, Богородице (здесь)

3. Акафист Пресвятой Богородице, Дочери Сиона (здесь и здесь)

4. Акафист Иконе Пресвятой Богородицы « Богородице Почаевской» (здесь)

5. Акафист Покрову Богородицы (здесь, здесь и здесь)

 6. Акафист Богородице Всех Скорбящих Радость (здесь, здесь и здесь)

7 Акафист Пресвятой Богородице Стикской (здесь и здесь)

8. Акафист Пресвятой Богородице, Умягчительнице злых сердец (здесь)

9. Служба Великого Параклесиса Пресвятой Богородицы (здесь)

 10. Покров Пресвятой Богородицы Акафист (здесь)

 11. Акафист Богородице-Воспитительнице детей (слушать здесь; здесь)

12. Акафист Богородице, Царице Всех (целительнице от рака) (здесь, здесь, здесь и здесь)

13. Акафист Пресвятой Богородице перед Ее иконой Феликстоувской Божией Матери. (здесь)

14. Акафист Пресвятой Богородице Портала Ивирона, Портитисса (здесь)
15. Акафист иконе «Неупиваемая чаша» (здесь, здесь и здесь)
16. Служба Акафиста (в пятницы Великого поста) (здесь, здесь и здесь)
17. Служба малого повечерия и Акафист (здесь, здесь, здесь)
18. Акафист Курской Коренной иконе (здесь)

Акафист святым в Православной Церкви:

1. Акафист святым Иоакиму и Анне (здесь)

2. Акафист святому пророку Давиду, царю Израильскому (здесь и здесь)

3. Акафист Иулиании Лазаревской (здесь и здесь)

4. Акафист свв. Рафаила, Николая и Ирины Новоявленной (здесь)

5. Акафист Святителю Тихону Московскому (здесь)

6. Акафист Всем святым Западной Европы (здесь и здесь)

7. Акафист Святому Отцу Паисию Афонскому (здесь)

8. Акафист во святых отцу нашему Чаду Чудотворцу (здесь)

9. Акафист во святых отцу нашему Рафаилу Бруклинскому (здесь и здесь)

10. Акафист святому отцу нашему Гутлаку Кроулендскому (здесь)

11. Акафист святому Игнатию Брянчанинову (здесь и здесь)
12. Акафист святой великомученице Параскеве Римской (здесь)

 13. Акафист святой Филарету Милостивому (здесь)

 14. Акафист святой Ксении Петербергской (здесь)

15. Акафист святой Ксении Петербургской, заступнице семей и нуждающихся*

16. Акафист святой Ксении Петербургской, заступнице семей и нуждающихся Святой Брендан Путешественник*

17. Акафист святому Нектарию (здесь и здесь)

18. Акафист святому хирургу Луке*

19. Акафист китайским мученикам (1900 г.) (здесь)

20. Канон первомученице Фекле*

 21. Акафист святителю Пантелеймону (здесь и здесь)

22. Акафист святителю Иннокентию Московскому, равноапостольному, просветителю Северной Америки (здесь и здесь)

23. Акафист Святителю Якову ( здесь и здесь)

24. Акафист св. Архангелу Михаилу (здесь)

25. Служба Молитвенного канона преподобному Силуану ​​Афонскому (здесь)

26. Акафист святому Иоанну Шанхайскому и Сан-Францисскому (здесь, здесь и здесь)

27. Акафист Царю Великому Великомученику Николаю Императору Всея Руси (здесь, сюда)

28. Акафист святому Арсению Виннипегскому (здесь и сюда)

29. Акафист святому Герману (здесь, сюда и сюда)

30. Акафист святому Герман (отец Лоуренс Фарли) (здесь) (отрывок здесь)*

31. Акафист Упокоению усопших (здесь и здесь)

32. Акафист Святой Елизавете Великой Княгине и Страстотерпице (здесь)

33. Акафист святому Иоанну Златоусту (здесь)

34 Акафист святому Нилу, Сорскому чудотворцу (здесь)

35. Акафист святому отцу нашему Гутлаку Кроуландскому (здесь)

36. Акафист святому исповеднику Алексию Карпато-Российскому (здесь)

37. Акафист Святитель Николай Мирликийский (здесь, здесь и здесь)

38. Акафист святым Петру и Павлу (здесь, здесь и здесь)
39. Акафист Матушке Ольге (здесь)
40. Акафист святому Лаврентию (здесь)
41. Святому Катберту (здесь)
42. Акафист Песнь святому новомученику Максиму Сандовичу, первомученику лемковского народа (здесь)
43. Акафист святому и праведному отцу нашему Алексию Вилькс-Баррскому, исповеднику и защитнику Православия в Америке (здесь)
44. Святая Матрона Москвы (здесь)
45. Акафист святому Порфирию Кавсокаливскому (здесь)
46. Акафист святителю и чудотворцу Спиридону, епископу Тримифунтскому (здесь)
47.